Гьасан-Эфенди

Гьар са девирдиз авурт1а килиг
Шумуд аламат акъвазда вилик?
Вакай хьана чаз адалат шерик,
Алкьвадар Мирзе Гьасан-Эфенди.

Шаир Эминни алим Къазанфар...
Дустарихъ галаз акъуднай йикъар.
Халкь патал чими к1ан хьайи ракъар,
Алкьвадар Мирзе Гьасан-Эфенди.

Ватанэгьлийрин гьар садан патай,
Кьабул ая на рагьметар атай.
Дуьныцнз машгьур дастанар ат1ай.
Алкьвадар Мирзе Гьасан-Эфенди.

Дагъви мусурман: лезгини авар...
Уяхриз вуна авунваи ялвар.
Кьисмет хьана ваз илимдин лувар,
Алкьвадар Мирзе Гьасан-Эфенди,

Къе чи ватандин халкь хьанва уях.
Мусурманри ви давамзава рехъ.
Шумудии садаз хьана вУн даях,
Алкьвадар Мирзе Гьасан-Эфенди?

Сажидина ви вилик кьазава кьин –
Юлчи хьун патал вун фейи рекьин.
Ярагъви хьиз вун шейх хьана якъин,
Алкьвадар Мирзе Гьасан-Эфенди.

Сажидин Саидгьасанов