КУЬРЕДА ЦIИЙИ МУЬГЪ

Эвел тадбир тур юлдаш
Хьана арифдар и муькъуьн.
Лацу къванцив дяве – саваш
Хьана кьван сайбар и муькъуьн.

Гьукуматди кьуна гъиле.
Гуьзайдин акъатна кьиле.
Шумуд техник, шумуд фяле
Хьана инжинар и муькъуьн!

Вагъунралди къум цементни,
Тваз арада вили куьни,
Шумуд мусурман, эрмени
Хьана кьван устlap и муькъуьн.

Вац1ун фитнедикай секин,
Амач чахъ а рахун-луьк1уьн,
Шумуд ч1уриз, шумуд кхьин
Хьана кьван дафтар и муькъуьн.

Шумуд къубу, шумуд булвх
Гуьргенивди хьана уртах!
Акьалт1ай кьил Кьукьмадин дагъ
Къведайд я ятар и муькъуьн.
Ц1ерид тагъ, ц1емуьжуьд сутун
Ик1 мягькем сад садав гутун!
Тамам Баку, Тифлис, Батум
Жез туш барабар и муькъуьн.

Хайбар къеледлайни к1еви
Туш лагьайт1а табда сиви.
Истамбулда Ая-Суфи
Белки жен ухшар и муькъуьн.

Тамам Куьре эгьли вири
Жем хьана чун куьлуь, ири.
Чи ч1ехи тир юлдашари
Ачухна чаз вар и муькъуьн.

Заманадин дерин, даяз
Фагьум ая гьарда жуваз.
И кар чадач Сулейманаз,
Нинд жедат1а т1вар и муькъуьн?

Ст1ал Сулейман

Речь идет о 17-ти арочном мосте на реке Чираг-чай, соединившем две части Касумкента: новую и старую. Мост построен в 1928 году, в бытность руководителя района Али-Искендера Гасанова-Алкадарского, который непосредственно руководил строительством моста. В последних двух строках стихотворения вопрос "И не знает Сулейман, чьим именем назовут мост", на который время дало ответ – народ назвал его мостом Али-Искендера, внука Гасана Алкадари, ученного, общественного и государственного деятеля.