АЗАДВАЛ

Есир хьана зун зулумдин, чир хьанач заз азадвилин дад,
Кьазанмишиз жеч азадвал, зулумкардиз ийиз мидад.
Хъсан тушни, хва, асландиз азад яз хьун са нефесда,
Виш агъзур йис акъуддалди къизилдикай тир кьефесда.

Жув инсан яз гьисабдай кас жен, герек халкьдин къуллугъда,
Лазим туш хьун виш агъзур йис аваз ялтахдин буйругъдаг.
Зулумкардиз къуллугъ авун и дуьньяда мусибат я,
Зулумдин пар ялиз, гваз фин жуван халкьдиз хиянат я.
Ламра маса гуда азадвал, на адаз са газар гайит1а,
Хушуналди лук1 жеч инсан, адаз дуьнья, базар гайит1а,
Жедан лайих т1вар инсандин, вич лук! хьайит1а, ашукь тирдаз,
Гьисабмир, хва, гьич инсан т1вар къачун буш са ва регьят кар яз
Зун туш шаклу, зи мазлум шаркь акъатда лук1виляй, гьелбет,
Зулумдин гьалкъаяр кьат1да, зунжурриз ийиз нифрет!
Эгер, куьгьне хкетра хьиз, тепилмиш жез хьайит1а девлер вал,
На чандилай гъил къачу, хва, тахьуй вахъ гьич к1ус къурхувал.
Кедани тух бубад рик1 гьич тек вичин хва хьунал бахтлу
Эгер халкьдихъ тахьайт1а бахт, мад са азад уьмуьр гьахълу
«Инанмиш я зи мазлум халкь, са къуз азад жеда, гьелбет» –
И гафар кхьихь на Мемнунан къванцел, жедайвал зи суруз гьуьрмет.

Гасан Алкадари